ثقافة رشدي بلقاسمي يعلن عن مقاطعته لوسائل الإعلام التونسية
نشر في 07 ماي 2019 (12:48)
أعلن الراقص الكوريغرافي رشدي بلقاسمي عن مقاطعته لجميع الوسائل الإعلامية التونسية بسبب المستوى الذي وصلت اليه البرامج الاذاعة والتلفزية من الخوض في خصوصيات الناس والتشهير بهم اضافة الى عدم احترام المثقفين ورموز البلاد وإعلامها.
وقال بلقاسمي في تعليق نشره عبر حسابه الرسمي بموقع التواصل الاجتماعي "فيسبوك" ما يلي:
"أصدقائي الإعلاميين من إعلام سمعي وآخر مرئي، شكرا على على الدعوات للبرامج والبلاطوات متاعكم في شهر رمضان.
كان لاحظتوا انو عندي مديدة ماعادش نظهر في الإعلام التونسي وهذا جا بعد قرار خذيتوا بمقاطعة البرامج الكل، على خاطر وللأسف اغلب البرامج الموجودة، فيها خوض في خصوصيات الناس والتشهير بيهم، وفبركة للأحداث والتجارة بهموم ودموع البشر، كذلك عدم احترام رموز البلاد وأعلامها، وللاسف المثقفين والفنانين ماعادش عندهم قدر وقيمة داخل مجتمعاتنا والسبب انتوما ومستشهريكم، ولأنكم وليتوا تتعاملوا معانا على اساس شكون اكثر واحد فينا يسب لآخر وشكون اكثر واحد فينا يعمل Buz و بما انكم و ليتوا تصنعولنا في أشباه مثقفين و أشباه فنانين و تعديولنا في السخافات متاعهم و بعد تققيمي البسيط للوضع العام للإعلام التونسي، قررت المقاطعة.
ولهذا الي يحب يتبع رشدي بلقاسمي، يلقاه اكيد في الفضاء الأول والأصل (المسرح) والا على شبكات التواصل الاجتماعي والي كانت هي مصدر إشعاعي الأول، أو على بعض القنوات والاذاعات الأجنبية الي تحترم الفنان وتعطيه قيمتو وقدرو وما تتعاملش معاه على اساس buz.
نشكر بعض الإعلاميين والقنوات والاذاعات التونسية الي حاولت تكون بعيدة على التيار ونتمنالها التوفيق.
وإلى أن يتغير حالكم، هاني مقاطع..."
